АҚШнинг сайланган президенти Дональд Трамп Канада Қўшма Штатларга қўшиб олинган тақдирда, мамлакатдаги солиқлар 60 фоиздан кўпроққа пасайиши мумкинлигини маълум қилди.
“Агар Канада бизнинг 51-штатимизга айланса, уларнинг солиқлари 60 фоиздан кўпроққа камаяди, бизнеслари дарҳол икки баробар ўсади ва улар дунёдаги бошқа ҳеч қайси давлатда бўлмаган ҳарбий ҳимояга эга бўлади”, деб ёзди Трумп Truth Social ижтимоий тармоғида.
Трампнинг таъкидлашича, бу таклиф аҳолиси АҚШнинг бир қисми бўлишни хоҳлаётган Гренландияга ҳам тегишли. У Дания оролининг Вашингтонга “миллий хавфсизлик мақсадида” зарур эканлигини таъкидлади. Трамп, шунингдек, АҚШ “миллиардлаб доллар” сармоя киритган Панама каналидан ноқонуний фойдаланаётган хитойлик аскарларни ҳам тилга олди.
Трамп жорий йилнинг декабрь ойи бошида илк марта Канадани АҚШга қўшиш истагини билдирган эди. Ушбу таклииф Канада бош вазири Жустин Трюдо билан суҳбат пайтида илгари сурилган эди. Республикачи номзоднинг тушунтиришича, агар у жорий этган 25 фоизлик божлар Канада иқтисодиётини “барбод қилса”, бундай ҳолат юз бериши мумкин.
Foxънинг хабар беришича, ушбу ибора учрашув иштирокчилари орасида “асабий кулги” уйғотган. Канада ва Мексикадан келадиган товарларга нисбатан божларни Трамп 20 январь куни инаугурациядан сўнг дарҳол жорий этишга қарор қилган. У бундай қадамнинг зарурлигини ушбу давлатлар билан чегарадан ноқонуний миграция ва гиёҳванд моддалар етказиб беришнинг кўпайиши билан изоҳлади.
2023 йилда Мексика экспортининг қарийб 83 фоизи ва Канада экспортининг 75 фоизи АҚШга йўналтирилган эди. Бироқ, божларнинг жорий этилиши АҚШ, Мексика ва Канада ўртасида 2020 йилда Трамп томонидан имзоланган ҳамда НАФТА ўрнини эгаллаган Савдо битимини (USMCА) бузиш бўлади.
Изоҳ (0)