Ўзбекистон дипломатик миссия раҳбарияти Уммон меҳнат вазири Махад Баавин билан учрашув ўтказди. Бу ҳақда “Дунё” АА хабар берди.
Мулоқот чоғида Уммон томони Ўзбекистонда олиб борилаётган кенг қамровли ислоҳотлар, икки давлат ўртасидаги муносабатларнинг ҳолати билан таништирилди.
Ўзбекистон—Уммон алоқаларини ривожлантириш доирасида, жумладан, давлат хизмати учун кадрларни тайёрлаш соҳасида ҳамкорлик қилиш ва ушбу йўналишда тажриба алмашиш икки томонлама муносабатлар ривожида муҳим аҳамият касб этиши таъкидланди.
Томонлар соҳа мутахассисларининг ўзаро ташрифларини ташкил этиш масалалари ҳақида ҳам фикр алмашди.
Маълумот учун, Уммон Ўзбекистон фуқароларига мамлакатга 14 кун давомида визасиз бўлиб туриш тартибини жорий қилган.
Изоҳ (0)