O‘zbekiston diplomatik missiya rahbariyati Ummon mehnat vaziri Maxad Baavin bilan uchrashuv o‘tkazdi. Bu haqda “Dunyo” AA xabar berdi.
Muloqot chog‘ida Ummon tomoni O‘zbekistonda olib borilayotgan keng qamrovli islohotlar, ikki davlat o‘rtasidagi munosabatlarning holati bilan tanishtirildi.
O‘zbekiston—Ummon aloqalarini rivojlantirish doirasida, jumladan, davlat xizmati uchun kadrlarni tayyorlash sohasida hamkorlik qilish va ushbu yo‘nalishda tajriba almashish ikki tomonlama munosabatlar rivojida muhim ahamiyat kasb etishi taʼkidlandi.
Tomonlar soha mutaxassislarining o‘zaro tashriflarini tashkil etish masalalari haqida ham fikr almashdi.
Maʼlumot uchun, Ummon O‘zbekiston fuqarolariga mamlakatga 14 kun davomida vizasiz bo‘lib turish tartibini joriy qilgan.
Izoh (0)