Истанбул прокуратураси таниқли қўшиқчи Мабел Maтизга нисбатан тергов олиб бормоқда. У Фатҳуллоҳ Гулен бошчилигидаги FETO мухолифат ташкилотига алоқадорликда гумонланмоқда. Бунга қўшиқчининг клипидаги бир долларлик купюралар сабаб бўлган. Бу ҳақда «РИА Новости» хабар берди.
Аввалроқ турк сиёсатчилари ва ОАВлари ташкиллаштирилишида FETO айбланаётган 2016 йил июль ойидаги давлат тўнтаришига уриниш билан боғлиқ турли тахминларни илгари сурган. Хабар қилинишича, Гуленнинг қўлга олинган тарафдорларида тинтув вақтида катта миқдорда бир долларлик купюралар топилган. Гўёки купюралардаги рақамлар ва ҳарфлар Гуленнинг махфий ташкилотидаги қўлга олинганлар иерархияси ҳақида гувоҳлик берган.
Ўзининг сўнгги клипида Maтиз чўнтагидан бир даста бир долларлик купюраларни олган ва уларни атрофга сочиб юборган. Ҳушёр томошабинлардан бири қўшиқчининг FETO фаолиятини тарғиб қилувчи шубҳали ҳаракатлари ҳақида ҳуқуқни муҳофаза қилиш органларига хабар берган. Бу хабардан кейин прокуратура текширув бошлаган.
Maтизнинг прокуратурага маълум қилишича, у клип ёрдамида Гулен ташкилотини тарғибот қилмоқчи бўлмаган ва клип сценарийси ва монтажига ҳеч қандай алоқаси бўлмаган, чунки бу иш билан бошқа кишилар шуғулланган. Тергов давом этмоқда.
Изоҳ (0)