Туркия ТИВ раҳбари Мавлуд Човушўғлу мухолифатчи Фатҳуллоҳ Гулен тарафдорлари АҚШ конгресси, Америка суд тизими ва дипломатик миссияга кириб борганлигини маълум қилди. Бу ҳақда «РИА Новости» хабар бермоқда.
«FETÖ (Гуленнинг ташкилоти) АҚШда нима қилмоқчи эканлигини яхши биламиз, FETÖ уларнинг бошқармалари, суд инстанцияларига қандай қилиб кириб борганлигини америкаликларга очиқча айтамиз. Улар ҳамма жой — АҚШнинг Туркиядаги дипломатик миссиясига ҳам, Америка конгрессига ҳам кириб борган. Қонуний ёки ноқонуний. FETÖ’га қарши мамлакат ичида қандай курашаётган бўлсак, худди шундай бу сотқинларни бутун дунё бўйлаб тинч қўймаймиз», — деди Чавушўғлу.
Эслатиб ўтамиз, 2016 йилнинг 16 июлга ўтар кечаси Туркияда исёнчилар гуруҳи ҳарбий тўнтариш амалга оширишга уринган эди. 240 дан ортиқ турк фуқароси ҳалок бўлди, икки мингдан ортиғи яраланди, исён бостирилди.
Изоҳ (0)