Туркия расмийлари давлат тўнтаришига уринишда иштирок этганликда гумон қилинаётганларни таъқиб этишга ҳақли. Бу ҳақда НАТО бош котиби Йенс Столтенберг маълум қилди, дея хабар беради «Интерфакс».
«Туркия ўзини ҳимоя этиш ва давлат тўнтариши ортида турганларни таъқиб этишга ҳақли, бироқ бу жараён қонун устуворлигига тўлиқ риоя этган ҳолда амалга оширилиши лозим», — дея таъкидлади Столтенберг Евроиттифоқ мудофаа вазирларининг Мальтадаги норасмий учрашуви арафасида.
Туркия ички ишлар вазири Сулаймон Сойлуга кўра, мамлакат ҳуқуқ-тартибот идоралари 26 апрель, чоршанбага ўтар кечаси Фатҳуллоҳ Гулен ва унинг ФЕТО ташкилоти билан алоқаларда гумон қилинган 1009 кишини қўлга олди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)