HBO «Дональд Трампнинг Ҳиллари Клинтон устидан эришган ақлбовар қилмас ғалабаси» ҳақида сериал олади

Американинг HBO кабел тармоғи 2016 йилги АҚШ президенти сайлови ҳақида минисериал суратга олади. Бу ҳақда Meduza хабар бермоқда.

Телетармоқ матбуот хизмати томонидан тарқатилган хабарномада қайд этилишича, сериал «Дональд Трампнинг Ҳиллари Клинтон устидан эришган драматик ва ақлбовар қилмас ғалабаси»га бағишланади.

Сериал журналистлар Марк Хелперин ва Жон Хейлиманнинг ҳали чоп этилмаган китоблари асосида суратга олинади. Бу журналистлар 2008 ва 2012 йилги сайловлар ҳақида ҳам китоб ёзган.

2008 йилги сайловга бағишланган китоб асосида HBO тармоғи «Ўйин ўзгарди» («Game Change») фильмини суратга олган бўлиб, унда актриса Жулиана Мур президентликка номзод Сара Пейлин ролини ўйнаган. Фильм бешта «Эмми» мукофотини қўлга киритган.

Сериалнинг премьера санаси, номи ва унда қайси актёрлар суратга тушиши ҳақидаги ҳозирча аниқ маълумотлар йўқ.

Сериалга Жей Роуч режиссёрлик қилади, Том Хенкс ва Гари Гоцман продюсер сифатида қатнашади. Уларнинг бари «Ўйин ўзгарди» фильми устида биргаликда ишлаган.

«Дарё»нинг Telegram’даги расмий канали — @toshqindaryo’га аъзо бўлинг!