Футбол бўйича Европа Чемпионлар Лигасининг гуруҳ босқичида 2-тур беллашувларига тўлиқ якун ясалди.
«А» гуруҳини Париждаги дуранг билан бошлаган «Арсенал» футболчилари Лондонда «Базел»ни таслим қилди. Тео Уолкоттнинг дублига швейцарияликлар жавоб қайтара олмади. «ПСЖ» эса Болгарияда зафар қучиб, тўплар нисбатига кўра гуруҳда карвонбошига айланиб олди.
«B» гуруҳида Неаполнинг «Наполи» клуби яққол пешқадам. Илк турни Киевдаги ғалаба билан бошлаган италияликлар, бу сафар «Бенфика»га имконият қолдирмади. Киевликлар эса Туркиядан 1 очко билан қайтди.
Пеп Гвардиола бошқарувида «Манчестер Сити» футболчилари илк бор очко йўқотди. Брендан Рожерс бошчилик қиладиган «Селтик» меҳмони бўлган инглизлар 3:3 ҳисобида дуранг ўйнади. Бир тур аввал «Барселона» шотландлар дарвозасига жавобсиз 7 та гол уришга муваффақ бўлганди.
Карло Анчелотти билан Чемпионлар Лигасини 5:0 ҳисобидаги ғалаба билан бошлаган «Бавария», мазкур мутахассис бошқарувидаги илк мағлубиятини Мадридда қабул қилди. «Атлетико» майдонига ташриф буюрган Мюнхен клуби 1 та пенальтидан қутулиб қолиб ҳам, ўтказиб юборган голига жавоб қайтара олмади. Ўтган мавсум ярим финалида «Бавария» айнан «Атлетико» довонидан ўта олмаганди.
Чемпионлар Лигасининг сешанба оқшомида бўлиб ўтган саккизта ўйини натижаси билан шу ҳавола орқали танишиш мумкин.
Европа Чемпионлар Лигаси 2-тур беллашувлари 28 сентябрь, чоршанба
«А» гуруҳи
«Арсенал» (Англия) — «Базель» (Швейцария) 2:0
Голлар: Тео Уолкотт, 7 (1:0). Тео Уолкотт, 26 (2:0).«Лудогорец» (Болгария) — «ПСЖ» (Франция) 1:3
Голлар: Натанаэл, 16 (1:0). Блез Матюиди, 41 (1:1). Эдинсон Кавани, 56 (1:2). Эдинсон Кавани, 60 (1:3).Ноаниқ пенальти: Козмин Моци, 59 (Л).
«B» гуруҳи
«Наполи» (Италия) — «Бенфика» (Португалия) 4:2
Голлар: Марек Ҳамшик, 20 (1:0). Дрис Мертенс, 51 (2:0). Аркадиуш Милик, 54-пен (3:0). Дрис Мертенс, 58 (4:0). Гонсалу Гедеш, 71 (4:1). Эдуардо Салвио, 86 (4:2).«Бешиктош» (Туркия) — «Динамо Киев» (Украина) 1:1
Голлар: Рикарду Куарежма, 29 (1:0). Виктор Сиганков, 65 (1:1).
«C» гуруҳи
«Боруссия Мёнхенгладбах» (Германия) — «Барселона» (Испания) 1:2
Голлар: Торган Азар, 34 (1:0). Арда Туран, 65 (1:1). Жерар Пике, 74 (1:2).«Селтик» (Шотландия) — «Манчестер Сити» (Англия) 3:3
Голлар: Мусса Дембеле, 3 (1:0). Фернандиньо, 12 (1:1). Раҳим Стерлинг, 20-авт (2:1). Раҳим Стерлинг, 28 (2:2). Мусса Дембеле, 46 (3:2). Нолито, 55 (3:3).
«D» гуруҳи
«Ростов» (Россия) — «ПСВ» (Голландия) 2:2
Голлар: Дмитрий Полоз, 8 (1:0). Деви Прёппер, 14 (1:1). Дмитрий Полоз, 37 (2:1). Люк де Йонг, 45+2 (2:2).Ноаниқ пенальти: Деви Прёппер, 56 (П).«Атлетико» (Испания) — «Бавария» (Германия) 1:0
Гол: Янник Карраско, 35 (1:0).Ноаниқ пенальти: Антуан Гризманн, 84 (А).
Изоҳ (0)