Мустақиллик байрамини тинч ва осойишта, байрамона кайфиятда ўтишини таъминлаш мақсадида Ўзбекистон Ички ишлар вазирлиги томонидан байрамга тайёргарлик тадбирлари ташкил этилмоқда. Бу ҳақда вазирликнинг Жамоатчилик ва оммавий ахборот воситалари билан алоқалар бошқармаси хабар бермоқда.
25 август куни Тошкентдаги Миллий стадион ҳовлисида ИИВ томонидан тизимнинг турли соҳавий бўлимларида хизмат қилаётган ходимлар иштирокида саф кўриги ўтказилган. Унда шахсий таркибнинг сафда юриши, ташқи кўриниши, умумий қилиб айтганда — жанговар шайлиги яна бир бор текширилган.
«Одатда бу каби саф кўриклари ички ишлар органларида мунтазам равишда ўтказиб турилади. Бундан ташқари, мазкур тадбирда жамоат тартибини сақлаш, йўл-ҳаракати, ёнғин хавфсизлигини таъминлаш юзасидан ходимларга муҳим топшириқ ва вазифалар берилди», — дейилади ИИВ ахборотида.
Изоҳ (0)