Ла Лига. “Барселона” Бильбаода қийин ғалабага эришиб, пешқадамликни мустаҳкамлади

Футбол бўйича Испания Ла Лигасининг 25-туридан ўрин олган қатор учрашувлар 12 март, якшанба куни ўтказилди.

“Барселона” Бильбаода “Атлетик” меҳмони бўлди. Биринчи бўлим якунланиши арафасида Рафинья каталонларни ҳисобда олдинга олиб чиқди. Мазкур гол якунда ўйин тақдирини ҳал қилди.

Ушбу ғалаба эвазига Хави жамоаси очколарини 56 тага етказди ва энг яқин таъқибчиси “Реал”ни 9 очкога ортда қолдирган ҳолда пешқадамлик қилмоқда. Бильбаоликлар (33) 9-поғонани банд этган.

25-турдан кейин Примера жадвали қуйидаги кўринишни олди:

Ла Лига

25-тур баҳслари

12 март, якшанба

“Атлетик” – “Барселона” 0:1

Гол: 0:1 – 45 Рафинья.

“Атлетик”: Агирресабала, Де Маркос (Капа, 84), Мартинес, Вивиан, Баленсиага (Берчиче, 70), Рауль Гарсия (Муниаин, 64), Дани Гарсия, Весга (Саррага, 64), Уильямс, Беренгер (Гурусета, 84), Уильямс.

“Барселона”: тер Штеген, Серхи Роберто (Фати, 83), Кристенсен, Кунде, Балде, Бускетс, де Йонг, Гави (Галиот, 90), Левандовски, Рафинья (Алонсо, 83), Ферран Торрес (Кессиэ, 68).

Огоҳлантиришлар: Уильямс (30), Серхи Роберто (76), Саррага (86).

“Мальорка” – “Реал Сосьедад” 1:1

Голлар: 0:1 – 3 Фернандес, 1:1 – 50 Ли Кан Ин.

“Севилья” – “Алмерия” 2:1

Голлар: 0:1 – 2 Акеме, 1:1 – 45, пенальти Окампос, 2:1 – 73 Ламела.

“Вильярреал” – “Бетис” 1:1

Голлар: 0:1 – 38 Иглесиас, 1:1 – 55 Пино.