Toshkent shahar Mirobod tumani, Shahrisabz ko‘chasida joylashgan Miran International mehmonxonasidagi qurilish olib borilayotgan binoda yong‘in sodir bo‘layotgani to‘g‘risida Toshkent shahar FVBga 16-oktyabr kuni soat 17:17 da xabar tushgan. Bu haqda poytaxt FVB matbuot xizmati xabar berdi.
Shunga ko‘ra, 14 ta yong‘in-qutqaruv ekipaji voqea joyiga soat 17:24 da yetib borib, yong‘in soat 18:19 da qurshab olingan va soat 19:16 da bartaraf etildi.
Yong‘in natijasida tan jarohati olgan va vafot etgan fuqarolar to‘g‘risida xabar kelib tushmadi.
Hozirda yong‘in sababi va keltirilgan moddiy zarar miqdori aniqlanmoqda.
(xabar soat 19:55 da qo‘shimcha maʼlumotlar bilan to‘ldirildi)
Avvalroq Yunusobodda yangi qurilayotgan binoning tomi yonib ketgan edi.
Izoh (0)