Бухоро вилояти Қоракўл туманидаги “Мурувват” ногиронлиги бўлган эркаклар учун интернат уйи ҳовлисида 17 туп дарахт кесиб ташланди. Экология бошқармаси ҳолат юзасидан маълумот берди.
Маълум қилинишича, ўрганишлар давомида, “Мурувват” уйи ҳудудидан 2 нафар фуқаро томонидан 17 туп ҳар хил турдаги дарахт кесиб ташланганлиги аниқланди. Ҳолат юзасидан 2 нафар ҳуқуқбузарга нисбатан МЖтКнинг 79-моддаси 1-қисми билан маъмурий баённома расмийлаштирилиб, 42 миллион 780 минг сўм табиатга етказилган зарар ҳамда жарима қўлланилди.
Август ойида Самарқанддаги “Омонқўтон” миллий табиат боғига ноқонуний кирган 5 киши дарахтлар ва ўсимликларга зарар етказгани ҳақида хабар берилганди.
Изоҳ (0)