Демократик партиядан АҚШ президентлигига номзод Камала Ҳаррис келгусида президент сифатида Владимир Путин билан Киев иштирокисиз Украинадаги ҳарбий ҳаракатларни тугатиш бўйича музокаралар ўтказмаслигини маълум қилди.
Унинг сўзларига кўра, Украина “келажаги борасида ўз овозига эга бўлиши керак”.
“Украинасиз икки томонлама музокара ўтказилмайди. Украина келажаги учун ўз сўзини айтиш ҳуқуқига эга бўлиши керак”, дейди Ҳаррис.
Аввалроқ Республикачилар партиясидан президентликка номзод Дональд Трамп Ҳаррис Украина—Россия уруши бошланишидан уч кун олдин Владимир Путин билан суҳбатлашганини маълум қилганди. Унинг сўзларига кўра, Ҳаррис “Украинага кирмаслиги учун Путин билан учрашишга юборилган”. Ҳаррис Трампнинг баёнотларини ёлғон деб атаган.
Путин билан 2000 йилдан бери ишлаган президент матбуот котиби Дмитрий Песков июль ойида Путин ва Ҳаррис ўртасида биронта ҳам мулоқот бўлганини эслолмаслигини маълум қилган. Очиқ манбаларда ҳам бундай учрашувлар ҳақида ҳеч қандай маълумот берилмаган.
Изоҳ (0)