FIFA президенти Жанни Инфантино профессионал фаолиятини якунлаганини маълум қилган 40 ёшли ярим ҳимоячи Андрес Инеста ҳақида фикр билдирди.
“Биз Андрес Инестани шундай ёрқин фаолияти билан табриклаймиз. FIFA Жаҳон чемпионати финалида ғалаба тўпини киритиш орқали Испанияга биринчи жаҳон чемпионлигини қўлга киритишга ёрдам берганингиз, учта FIFA клублар ўртасидаги жаҳон чемпионатида ғалаба қозонганингиз билан қутлаймиз. Сиз бутун дунёдаги мухлисларни хурсанд қила олдингиз.
Барча хотиралар учун раҳмат, сиздек футболчининг тўп билан ҳаракатини кўриш жуда ёқимли эди. Сиз яратган сеҳр қалбимизда абадий қолади. Келажакда сизга энг яхши тилакларимни тилайман”, деб ёзади Инфантино ижтимоий тармоқдаги саҳифасида.
Испания терма жамоаси таркибида Инеста 131 та ўйин ўтказиб, 14 та гол урди ва 30 та голли узатмани амалга оширди. Ярим ҳимоячи икки марта Европа ва бир бора Жаҳон чемпионатларида ғолиб чиқди.
Изоҳ (0)