Халқаро футбол федерацияси (ФИФА) раҳбари Жанни Инфантино бошчилигидаги делегация 6 май, шанба куни Ўзбекистондаги футбол инфратузилмаси билан танишди. Инфантино ташрифининг асосий воқеалари “Дарё” фоторепортажида.
ФИФА президенти дастлаб Ўзбекистон футбол ассоциациясига ташриф буюрди.
Жанни Инфантино Тошкент вилоятидаги “Дўстлик” майдонига ташриф буюрди. Халқаро футбол федерацияси у ерда Ўзбекистон U-20 терма жамоаси билан учрашиб, бўлажак ёшлар ўртасидаги Жаҳон чемпионатида омад тилади.
Унга Ўзбекистон ёшлар терма жамоасининг тўққизинчи рақамли махсус либос совға қилинди.
Шунингдек, Франция терма жамоаси билан 1998 йилда жаҳон чемпионига айланган Юрий Жоркаефф ҳам Равшан Ҳайдаров шогирдларига бўлажак мусобақада омад тилади. У ёш футболчиларга жамоа бўлиб ўйнашни ва 11 та индивидуалга айланиб қолмасликни маслаҳат берди.
Жанни Инфантино Тошкент вилоятида ФИФА билан кўмагида қурилаётган Терма жамоалар марказига ҳам борди. У футболчилар истиқомат қиладиган меҳмонхонанинг янги биносига биринчи пойдевор қуйиш тадбирида иштирок этди.
Инфантино вилоят футбол ассоциациялари вице-президентлари билан учрашди. Шунингдек, Халқаро футбол федерацияси раҳбари “Гроссроц” фестивалида қатнашиб, ёш футболчилар билан учрашди. Уларга дастхат берди.
.jpg)
Изоҳ (0)