Emirates Airlines aviakompaniyasi yo‘lovchilarga bortga peyjer va ratsiyalarni olib kirishni taqiqladi. Bu haqda Khaleej Times xabar berdi.
Taqiq Livandagi “Hizbulloh”ga aloqador bir qator qurilmalarning portlashidan keyin e’lon qilinmoqda.
“Dubayga va u orqali sayohat qiluvchi barcha yo‘lovchilarga peyjerlar va ratsiyalarni ro‘yxatdan o‘tgan bagaj yoki qo‘l yuki bilan tashish taqiqlanadi. Aniqlangan har qanday taqiqlangan narsalar Dubay politsiyasi tomonidan kuchaytirilgan xavfsizlik choralari doirasida musodara qilinadi”, deyiladi aviakompaniya saytida.
17-sentyabr kuni Livanda “Hizbulloh” a’zolari foydalangan yuzlab peyjerlar portladi. Ertasi kuni butun mamlakat bo‘ylab boshqa elektron qurilmalar, jumladan, noutbuklar va ratsiyalar portlay boshladi. 30 dan ortiq kishi halok bo‘ldi, minglab odamlar jarohatlandi.
Izoh (0)