Қашқадарё вилоятининг Косон тумани ҳокими Асрол Бойқораевга антиқа савол берилди. Ҳоким билан мулоқотга киришган аёллардан бири унга МФЙ раиси ҳокимнинг амалга ошираётган ишлари учун товонини ўпиш кераклигини айтганини таъкидлаб, “Маҳалла раисига камчиликлар бор қилиб беринг десак, ҳоким шунча иш қилиб беряпти бунинг учун ҳокимнинг товонини ўп деяпти, шундай қилишимиз шартми ҳоким бува?”, деди.
Маълум бўлишича, Косон туманидаги ҳудудлардан бирида яшовчи аҳоли маҳалладаги газ трубалари кесилиб кетишидан норози бўлиб, блогер чақирган. Муаммоларини айтган. Алал оқибат баҳсларга ҳоким ҳам аралашган.
Аҳоли билан мулоқотга келган Асрол Бойқораевга аҳоли вакилларидан томонидан теша тегмаган савол берилган.
Маҳалла раисига шундай-шундай камчиликлар бор қилиб беринг десак, ҳоким шунча иш қилиб беряпти бунинг учун ҳокимнинг товонини ўп деяпти, шундай қилишимиз шартми ҳоким бува?, дейди савол эгаси.
Саволга жавоб берган туман ҳокими ҳудудда амалга оширилаётган ишларни у қилмаётганини, давлат раҳбари ташаббуси билан амалга оширилаётганини айтган.
Бу ишларни мен қилмадим, давлат раҳбари қилиб беряпти, дейди Асрол Бойқораев.
Косон тумани ҳокими жамоатчиликка ўзи чақирган мажлисда рўзадорларни рўзасини очишга мажбурлагани айтилган хабарлар орқали яхши танилганди.
Изоҳ (0)