“Hokimning tovonini o‘p deyapti, shunday qilishimiz shartmi hokim buva?”. Koson hokimiga antiqa savol berildi

Qashqadaryo viloyatining Koson tumani hokimi Asrol Boyqorayevga antiqa savol berildi. Hokim bilan muloqotga kirishgan ayollardan biri unga MFY raisi hokimning amalga oshirayotgan ishlari uchun tovonini o‘pish kerakligini aytganini ta’kidlab, “Mahalla raisiga kamchiliklar bor qilib bering desak, hokim shuncha ish qilib beryapti buning uchun hokimning tovonini o‘p deyapti, shunday qilishimiz shartmi hokim buva?”, dedi.

Ma’lum bo‘lishicha, Koson tumanidagi hududlardan birida yashovchi aholi mahalladagi gaz trubalari kesilib ketishidan norozi bo‘lib, bloger chaqirgan. Muammolarini aytgan. Alal oqibat bahslarga hokim ham aralashgan. 

Aholi bilan muloqotga kelgan Asrol Boyqorayevga aholi vakillaridan tomonidan tesha tegmagan savol berilgan. 

Mahalla raisiga shunday-shunday kamchiliklar bor qilib bering desak, hokim shuncha ish qilib beryapti buning uchun hokimning tovonini o‘p deyapti, shunday qilishimiz shartmi hokim buva?, deydi savol egasi. 

Savolga javob bergan tuman hokimi hududda amalga oshirilayotgan ishlarni u qilmayotganini, davlat rahbari tashabbusi bilan amalga oshirilayotganini aytgan. 

Bu ishlarni men qilmadim, davlat rahbari qilib beryapti, deydi Asrol Boyqorayev. 

Koson tumani hokimi jamoatchilikka o‘zi chaqirgan majlisda ro‘zadorlarni ro‘zasini ochishga majburlagani aytilgan xabarlar orqali yaxshi tanilgandi.