Япониянинг ғарбий Хонсю оролидаги Ишикава префектурасида 29 750 киши эвакуация қилиниши эълон қилинди.
Ҳудуд хавфнинг 4-даражасида, префектура сўнгги ўн йилликлардаги энг кучли ёғингарчиликдан азият чекмоқда. Камида бир киши бедарак йўқолган. 4800 га яқин уй электр энергиясиз қолди.
Yahoo'нинг маҳаллий маъмуриятга таяниб хабар беришича, Вадзима ва Судзу шаҳарларида эвакуация эълон қилинган. Бу шаҳарлардаги инфратузилма 2024 йил январидаги зилзила оқибатида жиддий шикастланган эди. 21 сентябрь куни эрталаб Вадзимада 121 миллиметр ёмғир ёғди - бу 1975 йилдан бери рекорд кўрсаткич.
Ишикавада кучли ёмғир оқибатида кўча ва йўлларни сув босди, кўплаб одамлар ёрдам сўрашга мажбур бўлди. Префектуранинг тўртинчи даражадаги огоҳлантириш даражаси имкон бўлганда эвакуация қилишни талаб қилади. Бешинчи даража ҳаётни сақлаб қолиш учун фавқулодда ва шошилинч чоралар зарурлигини англатади.
Изоҳ (0)