Бирже Акалай — таниқли турк актрисаси, ижодий фаолияти давомида 20 та лойиҳада рол ўйнаган. Актриса Истанбул театр университетининг драматик санъат ва театр танқиди факультетини муваффақиятли тамомлаб, узоқ йиллардан буён ўз истеъдоди билан томошабинларни мафтун этиб келмоқда, деб ёзади «Кинофорум».
Сўнгги йилларда актриса ижоддан тўхтагани йўқ. У «Қуш парвози» сериалидаги чиқиши билан барча тоошабинларни ҳайратда қолдирди.
Шунингдек, Netflix’да эфирга узатилган «Қабристон» сериалида ҳам иштирок этди.
Рақамли лойиҳалардаги ажойиб ижроси туфайли Бирже Акалай сўнгги йилларда катта муваффақиятларга эришди, мукофот ҳамда томошабинларнинг эътирофига сазовор бўлди.
Актриса Дубайда бўлиб ўтган ДИАФА тақдирлаш маросимида «Йилнинг энг яхши актрисаси» мукофотини қўлга киритди.
Муваффақиятли ижодининг эътирофи бўлган бош мукофотни қўлга киритган актриса ўзининг латофати билан ҳам ташриф буюрувчиларда кучли таассурот қолдирди.
Эслатиб ўтамиз, 2021 йил Дубайда бўлиб ўтган ДИАФА маросимида «Йилнинг энг яхши актрисаси» номинациясида Неслихан Атагул ғолиб бўлган.
Изоҳ (0)