Турмушга чиқаётган Мелиса Памук, Дубайда дам олаётган Киванч Татлитуғ: Турк актёрлари ҳаётидаги янгиликлар (фото)

Турк кинооламида ўз ўрнига эга актёр ва актрисаларнинг ҳаёти турфа воқеаларга бой. Қуйида баъзи турк юлдузларининг шахсий ҳаётидаги янгиликлар ҳақида маълумот берилади.

Киванч Татлитуғ

Киванч Татлитуғ ва рафиқаси Башак Дизер Дубайга саёҳатга йўл олди. Актирса Башак ўғли билан таътилда тушган суратлар билан ўзининг Instagram саҳифасида бўлишди.

Куни кеча актёр Киванч Татлитуғ мототциклларга бўлган иштиёқидан воз кечгани сабаби маълум бўлди. Эндиликда у оиласи ва фарзанди учун кўпроқ вақт ажратишга ҳаракат қилмоқчи.

Бунга Киванчнинг онаси сабабчи бўлди. Нуртен Татлитуғ ўғлига мототцикл ҳайдашни тўхтатишни, келини ва набираси билан кўпроқ вақт ўтказишни маслаҳат берган:

“Ўғлим, энди сен фарзандли бўлдинг. У ҳаётингдаги энг муҳим шахсдир. Илтимос, мототциклга бўлган муҳаббатингдан воз кеч, сен мудҳиш аварияни бошингдан ўтказдинг. Бундай воқеа қайта такрорланмаслигига ҳеч ким кафолат бермайди”.

2013 йилда актёр мототциклда кетаётиб, бошқа бир ҳайдовчи билан тўқнашиб кетган ва узоқ вақт шифохонада оғир аҳволда ётган.

Озан Гувен ва Юсра Гейик

“Тош, қайчи, қоғоз” сериали эфирга узатила бошлангандан сўнг фильмда суратга тушган актриса Юсра Гейик ва актёр Озан Гувеннинг лойиҳадан ташқари муносабатлари ҳақида турли миш-мишлар тарқала бошлади. Юлдузларни оёқ кийим дўконида харидлар қилаётган вақтда кўриб қолишган.

Юсра бу хабарни рад этди: 

“Озан билан ҳеч қачон яқин муносабатда бўлмаганмиз. Шунинг учун бу мавзу мени хафа қилмайди ва актёр ҳақида бепарво сўзлайвераман. Биз шунчаки бир лойиҳа устида иш олиб бормоқдамиз, холос”, — деди актриса.

“Тош, қайчи, қоғоз”да Озан Гувен Умут образини ижро этган. Сериалда Умут феноменал хотирага эга муваффақиятли адвокатдир. Унда кам учрайдиган синдром —гипертимизия (ҳеч нарсани унутмаслик) бор. Қаҳрамон бу қобилиятидан эзгу мақсадларда фойдаланмоқчи бўлади.

Мелиса Асли Памук

Турк актрисаси ва модел Мелиса Асли Памук ва француз футбол жамоаси ўйинчиси Юсуф Язжичи илиқ муносабатлар ўрнатганига бир йилдан ошди. Улар икки давлатда — баъзан Туркия ва баъзан Францияда яшар эди. Ўтган йилнинг сентябрь ойида Юсуф Мелисага Комо кўли бўйида турмуш қуришни таклиф қилди. Мелиса эса бу таклифга севгилиси Туркияга кўчиб келиши шарти билан рози бўлди.

Ҳанде Эрчел

Латофатли актриса Ҳанде Эрчел ижтимоий тармоқларда от минган суратлари билан бўлишди.

Актриса журналистларнинг турмуш қуриш ҳақидаги саволларига қуйидагича жавоб берди:

“Агар турмуш қуришга қарор қилсам, бу ҳақда, албатта, хабар бераман.”