Париж суди икки француз аёлни Франция президенти Эммануэл Макроннинг рафиқаси Брижитга туҳмат қилгани учун жами 13,5 минг евро миқдорида жаримага тортди. Бу ҳақда BFMTV хабар берди.
Маълум қилинишича, аёллар Брижит гўё эркак бўлиб туғилгани ҳақида миш-миш тарқатган. Эндиликда улар президент рафиқасига етказилган маънавий зарар учун 8 минг евро ва яна 5 минг евро — даъвогар сифатида иштирок этган унинг укаси Жан-Мишель Тронега тўлаши керак.
Брижит Макрон эркак бўлиб туғилгани ҳақидаги даъволар бўйича икки аёл устидан суд жараёни 2024 йил июнь ойида бошланган. 2022 йил улар Брижит эркак бўлиб туғилганини ва унинг ҳақиқий исми Жан-Мишель эканини “тасдиқловчи” видеони чиқарган. Видео вирусга айланиб, Франциянинг биринчи хонимида норозилик уйғотган.
Изоҳ (0)