Ўзбекистоннинг Буюк Британиядаги элчиси Равшан Усманов Abercrombie & Kent сайёҳлик компанияси ижрочи директори Максимилиан Маклай билан музокара ўтказди. Бу ҳақда “Дунё” АА хабар берди.
Мулоқот давомида Максимилиан Маклай британиялик ва бошқа хорижий сайёҳлар орасида Ўзбекистонга қизиқиш ортиб бораётганини таъкидлади.
“Сўнгги йилларда Abercrombie & Kent компанияси Ўзбекистонга кўпроқ саёҳат уюштирмоқда. Биз мамлакатнинг бой маданий мероси, ажойиб манзаралари ва ўзбек халқининг меҳмондўстлигини юксак қадрлаймиз”, деган у.
Учрашувда Ўзбекистон ва Abercrombie & Kent ўртасидаги ҳамкорликни янада ривожлантириш истиқболлари муҳокама қилинди. Музокаралар якунида Ўзбекистонга Буюк Британиядан 1500 дан ортиқ сайёҳни жалб этиш бўйича келишувга эришилди.
Апрель ойида Буюк Британиянинг Jules Verne компанияси билан ҳамкорликда 2024 йил давомида 500 дан ортиқ сайёҳни Ўзбекистонга юбориш бўйича келишувга эришилганди.
Август ойида Ўзбекистонга Буюк Британиядан келувчилар сони ошгани, 2024 йилнинг 6 ойида туристик мақсадларда ушбу мамлакатдан 9 минг нафар фуқаро келгани ҳақида хабар берилганди.
Изоҳ (0)