Италия Вазирлар кенгаши Европа тикланиш ва тараққиёт банки (ЕТТБ) билан Украина электр тармоқларини қайта тиклаш бўйича қўшма молиялаштириш тўғрисидаги келишувни тасдиқлади. Киевни қўллаб-қувватлаш учун 200 миллион евро ажратилади.
Бу ҳақдаги қарор Италия Ташқи ишлар вазирлиги баёнотида айтилади. Каховка ГЭС вайрон бўлганидан кейин Украинанинг “Укргидроэнерго” ГЭСнинг энергия қувватини тиклаш учун 100 миллион евро йўналтирилиши кутилмоқда. Бош вазир ўринбосари ва ташқи ишлар вазири Антонио Тажани тегишли қонун лойиҳасининг парламентда тез қабул қилинишига умид билдирди.
Август ойи охирида Россия ҳарбийлари Украинадаги электр подстанцияларига ҳужум қилди. Киевда электр ва сув таъминотида узилишлар қайд этилди.
Украина президенти Владимир Зеленский мамлакат энергетика объектларига қилинган зарбани энг кучлиларидан бири деб атади. Украина Энергетика вазирлиги раҳбари Герман Галушченко аввалроқ мамлакат “тарихдаги энг оғир қишни” кутаётганини айтган эди.
Изоҳ (0)