НАТО бош котиби Йенс Столтенберг Украина Қуролли кучларининг Россиянинг Курск вилоятидаги ҳарбий операцияси қонуний эканлигини ва Украина халқаро ҳуқуққа мувофиқ ўзини ҳимоя қилиш ҳуқуқига эга эканлигини айтди.
"Украина ҳарбийларининг Россиянинг Курск вилоятига кириши қонунийдир. Бу Киевнинг ўзини ҳимоя қилиш ҳуқуқига киради. Украина ўзини ҳимоя қилиш ҳуқуқига эга. Халқаро қонунларга кўра, бу ҳуқуқ чегарада тугамайди", - деди у.
Столтенбергнинг таъкидлашича, НАТО Украинанинг режалари ҳақида олдиндан хабардор қилинмаган ва уларда ҳеч қандай рол ўйнамаган.
![](/static/2024/08/31/nato1-feBCYf8T.jpg)
НАТО бош котибининг таъкидлашича, Украина ҳарбий кампаниясини қандай ўтказишни ўзи ҳал қилиши керак.
"Президент Зеленский бу операция чегара ҳудудидаги ҳужумларнинг олдини олиш учун буфер зона яратишга қаратилганини аниқ айтди. Барча ҳарбий амалиётлар каби бу ҳам хавф-хатарларга тўла. Лекин Украина ўзини қандай ҳимоя қилишни ўзи ҳал қилади", - дейди у.
Изоҳ (0)