Халқ депутатлари Тўрақўрғон тумани кенгашининг навбатдан ташқари сессияси бўлиб ўтди. Бу ҳақда “Дарё” мухбири Азизбек Абдувалиев хабар бермоқда.
Фото: Ҳамдам Мамадалиев
Сессияда ташкилий масала кўрилди. Туман ҳокими лавозимига Шерали Қосимов номзоди тавсия этилди ва депутатлар томонидан маъқулланди.
Шерали Қосимов 1986 йили Наманган туманида туғилган. 2010 йилда Наманган муҳандислик-педагогика институтини тамомлаган.
Фаолияти давомида вилоят молия бошқармаси турли вазифаларда меҳнат қилган, Наманган тумани молия бўлими мудири, Наманган тумани ҳокими ўринбосари, Давлат активларини бошқариш агентлиги ҳузуридаги бўш турган объектлардан самарали фойдаланишни ташкил этиш маркази вилоят ҳудудий бошқармаси бошлиғи бўлган.
Янги тайинловга қадар Поп тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — туман Иқтисодий тараққиёт ва камбағалликни қисқартириш бўлими бошлиғи лавозимида ишлаб келаётган эди.
Эслатиб ўтамиз, шу пайтгача Тўрақўрғон туманини бошқариб келган Аҳрор Мансуров олдинроқ Мингбулоқ тумани ҳокими этиб тайинланган эди.
Изоҳ (0)