Telegram асосчиси Павел Дуров 24 август куни Францияда ҳибсга олинди. Бу ҳақда TF1 хабар бермоқда.
![](/static/2024/08/25/EayaVG15385006763144_l-xehlGo3J.jpg)
Маълум қилинишича, у Озарбайжондан Парижга ўз шахший самолётида борганда Ле Бурже аэропортида қўлга олинган.
Дуров Telegram’да модерациянинг йўқлиги, ушбу тармоқда содир бўлаётган ноқонуний ҳаракатлар, жумладан, гиёҳванд моддаларни тарқатиш, болалар порнографияси ва фирибгарлик ва бошқа айбловлар учун қидирувга берилган. У француз ҳуқуқ-тартибот органлари билан ҳамкорлик қилмагани сабабли унга ҳибсга олиш ордери берилган.
“Павел Дуров албатта тергов изоляторига тушади, у ўз платформасида сон-саноқсиз ҳуқуқбузарликлар ва жиноятлар содир этилишига йўл қўйди, бунинг олдини олиш учун ҳеч нарса қилмади”, — деган ишга яқин манба.
Агар унга қўйилган айблар исботланса Дуров 20 йилга қамалиши мумкин.
Павел Дуров 2014 йилда Россиядан кўчиб кетган. Кўп ўтмай, у Кариб денгизидаги Сент-Киц ва Невис давлатлари фуқаролигини олгани маълум бўлганди. Бу унга дунёнинг аксарият мамлакатларига, жумладан, Европа Иттифоқи ва Буюк Британияга визасиз ташриф буюриш имконини беради. 2021 йилда Дуров БАА ва Франция фуқаролигини олган. Сўнгги йилларда Дуров БААда яшаб келаётганди.
Хабарда айтилишича, Дуровни ҳибсга олиш учун ордер фақат Францияда амал қилади. У мазкур мамлакатда персона нон грата эканини билган, Европа бўйлаб камроқ саёҳат қилган ва Telegram иши хавфсизлик кучлари назорати остида бўлган давлатлардан нари юрган.
Маълумот учун, Ўзбекистоннинг 70 фоиздан ортиқ аҳолиси Telegram’дан фойдаланади.
Изоҳ (0)