Telegram мессенжери асосчиси Павел Дуров сперма донорлиги туфайли 100 дан ортиқ боланинг биологик отасига айланганини айтди. Бу ҳақда у Telegram’даги каналида маълум қилди.
![](/static/2024/07/30/photo_2024-07-30_10-07-53-u8ZOnEMB.jpg)
“Менга 100 дан ортиқ биологик фарзандларим борлигини айтишди. Уйланмаган ва ёлғиз яшашни афзал кўрган йигит учун шундай бўлиши мумкин?”, дейди Дуров.
Унинг сўзларига кўра, 15 йил аввал дўстларидан бири рафиқаси билан фарзанд кўра олмаслигини айтиб, Дуровни сперма донори бўлишга кўндирган.
“Клиника раҳбари менга юқори сифатли донор материали етишмаслигини ва кўпроқ жуфтликларга аноним тарзда ёрдам бериш учун сперма бериш фуқаролик бурчим эканини айтди”, дейди у.
Дуровнинг таъкидлашича, 2024 йилга келиб унинг донорлик материаллари 12 мамлакатдан 100 дан ортиқ жуфтликларга ота-она бўлишга ёрдам берган. Камида битта клиникада ҳали ҳам музлатилган сперма мавжуд. Telegram асосчи эндиликда биологик фарзандлари бир-бирини осон топиши учун ДНКга кириш имкониятини очишни режалаштирмоқда.
Изоҳ (0)