Ўзбекистон миллий жамоасининг КХДР термасига қарши учрашуви “Бунёдкор” стадионида бўлиб ўтади. Стадион чимини яхши ҳолатда сақлаш учун “Локомотив”—“Қизилқум” баҳси 24 август куни “Дўстлик” стадионида ўтказилиши маълум қилинганди.
-0-Odojdj.jpg)
Энди ушбу учрашув 25 августга кўчирилди.
“Лига ҳамда Sport телеканалига боғлиқ бўлмаган ўзгаришлар рўй берди. Хабарингиз бор, айни вақтда Ўзбекистон футзал бўйича Жаҳон чемпионатини ўтказишга пухта ҳозирлик кўрмоқда. Мусобақа телетрансляцияси муҳим аҳамият касб этади ва буни амалга оширишга тайёргарлик кўриш жараёнида телерадиокомпаниянинг ҳиссаси бор.
Суперлига учрашувида эса ВАР техникасининг фаолият олиб бориши муҳим аҳамият касб этади. Бунинг учун беллашув суратга туширилиши лозим. Шундан келиб чиқиб, Sport ҳамда Лига ўзаро келишган ҳолда ҳар икки клуб билан музокара олиб борди ва якунда учрашувни яна 1 кунга суришга қарор қилди.
Шунингдек, “Қизилқум” клубининг U21 жамоаси аъзолари Тошкентга келиши учун аллақачон чипталар харид қилинганидан келиб чиқиб, ўринбосарлар ўртасидаги учрашув санасига ўзгартириш киритилмади. Келишувга кўра, асосий ва U21 жамоалари ўйини 25 август куни параллел равишда бўлиб ўтади. Асосий беллашув 18:00 да старт олади.
Лига мавжуд ҳолат учун футбол жамоатчилигидан узр сўрайди. Айни вақтда биз Суперлига учрашувларини белгиланган тартибда ўтказиш учун барча воситани ишга солиб келмоқдамиз. Бироқ Лигага тааллуқли бўлмаган бошқа масалалар ҳам борки, охир-оқибат улар билан ҳисоблашишимиз лозим. Умид қиламизки, жамоатчилик вазиятни тўғри тушунади”, дейилади ПФЛ матбуот хизмати берган хабарда.
Маълумот учун, Ўзбекистон миллий жамоаси КХДРга қарши учрашувни 5 сентябрь куни Тошкентда ўтказади.
Изоҳ (0)