Яқинда АҚШ президентлигига номзод Дональд Трампнинг Илон Маскга берган интервьюси Европани жиддий хавотирга солди. Бу ҳақда Британиянинг Financial Times нашри хабар берди.
Нашрнинг ёзишича, Европанинг хавотирига Маск ва Евроиттифоқ ўртасидаги келишмовчилик сабаб бўлган, шу сабабли ассоциация дезинформация масалаларида Х’ни назорат қилиш қобилиятига шубҳа қилган. Журналистларнинг таъкидлашича, америкалик тадбиркор модераторлар сонини камайтириш, аввал блокланган аккаунтларни тиклаш ва ўзининг очиқ нашрлари частотасини оширишдан кейин ушбу муаммога эътибор қаратган.
Хабарда қайд этилишича, агар Tesla раҳбарининг ижтимоий тармоғи “жиддий зарар етказишда” давом этса, ЕИ платформага киришни чеклаш тўғрисида қарор қабул қилиши керак. Бироқ, журналистларнинг таъкидлашича, европалик сиёсатчилар Маскга қарши чиқишга тайёрми ёки йўқми, ҳозирча ноаниқ.
Маскнинг Трамп билан суҳбати 13 августга ўтар кечаси эфирга узатилган эди.
Интервью икки таниқли шахснинг бир-бирига узундан узоқ мақтовлари билан бошланган. Суҳбат аввалида Илон Маск Трампни суиқасд пайтида кўрсатган иродаси учун “жасоратли” шахс деб атаган.
Суҳбат давомида халқаро сиёсат, сайлов кампанияси ва президентликка номзоднинг шахсий ҳаётига дахлдор кўплаб масалалар кўрилган. Трампнинг содир бўлаётган воқеаларга муносабатини билишга ҳаракат қилинган.
Трамп агар сайловда ғалаба қозонса, Путин билан тил топишишга умид қилаётганини айтган. Бу Москва учун ҳам, Вашингтон учун ҳам энг манфаатли қарор бўлиши айтилган.
Изоҳ (0)