Қўшма Штатлар Исроилга 20 миллиард доллардан ортиқ қўшимча қурол экспортини маъқуллади. Бу ҳақда Deutsche Welle хабар берди.
Давлат департаментининг хабар беришича, гап 50 га яқин F-15 қирувчи самолётлари ва 33 минг бирлик ўқ-дорилар ҳақида бормоқда.
“Бу Исроилнинг жорий ва келажакдаги душман таҳдидларига жавоб бериш қобилиятини яхшилаши керак”, дейилади департамент хабарида.
АҚШ Конгрессига юборилган билдиришномага кўра, 18,25 миллиард долларлик F-15 қирувчи самолётлари 2029 йилда етказиб берилиши керак. Бундан ташқари, Исроил Мудофаа вазирлиги ҳам АҚШдан 50 мингтагача миномёт ва ҳарбий транспортер сотиб олади.
Май ойида АҚШ президенти Жо Байден Ғазо жанубидаги Рафаҳда ҳарбий амалиётда қўлланилиши мумкинлигидан хавотирлар туфайли Исроилга самолёт бомбаларини етказиб бериш тўхтатилганини эълон қилган эди. Бироқ Вашингтонга кўра, бу қарор бошқа турдаги қуроллар етказиб беришга таъсир қилмаган.
“F-15 қирувчи самолётларини етказиб беришга келсак, давлат департаменти Қўшма Штатлар ‘Исроил хавфсизлигини таъминлашга содиқ’ эканини тушунтирди. АҚШ миллий манфаатлари учун Исроилни кучли мудофаа қобилиятини ривожлантириш ва қўллаб-қувватлаш жуда муҳим”, дея таъкидлаган департамент.
Изоҳ (0)