Ижтимоий тармоқларда Намангандаги мактабда директор ўқитувчиларни ўт-ўлан юлишга мажбурлагани ҳақида хабарлар тарқалди. Ҳолат юзасидан Камбағалликни қисқартириш ва бандлик вазирлиги изоҳ берди.
Маълум қилинишича, ушбу ҳолат Поп тумани Камбағалликни қисқартириш ва бандлик бўлими давлат меҳнат инспекцияси томонидан ўрганилган.
Ўрганиш давомида Меҳнат кодексининг 5-моддаси ҳамда Вазирлар Маҳкамасининг 349-сонли қарорига зид равишда муассаса ходимлари мактаб ҳовлисида тозалов ишларига жалб этилганлиги аниқланди.
Шу сабабли, ташкилот раҳбарига нисбатан Маъмурий жавобгарлик тўғрисидаги кодексининг 51-моддаси 1-қисмига асосан базавий ҳисоблаш миқдорининг 50 баравари (17 млн сўм) миқдорида маъмурий жарима қўлланилди.
Изоҳ (1)
Unda oʻsha maktab hududi oʻt bosib ketsin. Aqalli hamma oʻqituvchilar kengashib tozalab qoʻysa yahshimasmi. Bekorga ham xonalarida telefon kavlab oʻtiradi.