Қашқадарё вилоятининг Шаҳрисабз ва Ғузор туманларида истеъмолга яроқсиз ёғ маҳсулотини ишлаб чиқариш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, фуқаро Ф.Н. Шаҳрисабз тумани “Хонтепа” МФЙ ҳудудида жойлашган нотурар бинода ва фуқаро Ҳ.Н. Ғузор тумани “Эскибоғ” МФЙда жойлашган яшаш хонадонининг ёрдамчи хўжалигида яширин цех ташкил этиб, ёғ ишлаб чиқариш билан шуғулланиб келаётганлиги аниқланган. Ушбу цехлардан 211 литр истеъмолга яроқсиз ёғ, 146 кг чигит, 3 дона жувоз ускунаси ва бошқа ишлаб чиқаришда фойдаланилган товар моддий бойликлари ашёвий далил сифатида олинган.
Мазкур ҳолатлар юзасидан Жиноят кодексининг 186-2-моддаси (чигитдан олинадиган маҳсулотни қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)