Ijtimoiy tarmoqlarda Namangandagi maktabda direktor o‘qituvchilarni o‘t-o‘lan yulishga majburlagani haqida xabarlar tarqaldi. Holat yuzasidan Kambag‘allikni qisqartirish va bandlik vazirligi izoh berdi.
Maʼlum qilinishicha, ushbu holat Pop tumani Kambag‘allikni qisqartirish va bandlik bo‘limi davlat mehnat inspeksiyasi tomonidan o‘rganilgan.
O‘rganish davomida Mehnat kodeksining 5-moddasi hamda Vazirlar Mahkamasining 349-sonli qaroriga zid ravishda muassasa xodimlari maktab hovlisida tozalov ishlariga jalb etilganligi aniqlandi.
Shu sababli, tashkilot rahbariga nisbatan Maʼmuriy javobgarlik to‘g‘risidagi kodeksining 51-moddasi 1-qismiga asosan bazaviy hisoblash miqdorining 50 baravari (17 mln so‘m) miqdorida maʼmuriy jarima qo‘llanildi.
Izoh (1)
Unda oʻsha maktab hududi oʻt bosib ketsin. Aqalli hamma oʻqituvchilar kengashib tozalab qoʻysa yahshimasmi. Bekorga ham xonalarida telefon kavlab oʻtiradi.