Арнольд Шварценеггернинг умумий бойлиги бир миллиард доллардан ошди

Дастлаб моҳир бодибилдер сифатида танилган, “Терминатор”, “Йиртқич” ва “Қизил жазирама” каби ажойиб жангари фильмлардаги роллари туфайли халқаро юлдузга айланган ҳамда бир неча йил давомида Калифорния губернатори бўлиб ишлаган Шварценеггернинг умумий бойлиги бир миллиард доллардан ошди. Бу ҳақда Forbes.кз маълум қилди.

76 ёшли актёр 1970-2019 йиллар орасида инглиз тилида равон сўзлаша олмагани туфайли рол олишда қийналган бўлса, ҳозирда Шварценеггер умумий касса даромади 5,5 миллиард долларни ташкил этадиган 50 га яқин фильмда иштирок этган юлдузга айланган. Жумладан, актёр 1988 йилда машҳур бўлган “Эгизаклар” комедиясидан ялпи тушумнинг 20 фоизини (тахминан 35 миллион доллар) олган.

Умумий ҳисоблаганда Шварценеггер иштирокидаги фильмлардан тахминан 500 миллион доллар гонорар олган. Актёр сўзларига кўра, 2003 йилдан 2011 йилгача Калифорния губернатори лавозимида ишлаган вақтида эса 200 миллион доллардан воз кечган.

Шварценеггер карьерасининг илк йиллариданоқ даромадини кўпайтириш мақсадида турли бизнес ва лойиҳаларга сармоя киритди. Масалан, у Калифорнияга кўчганидан кўп ўтмай, бодибилдингдан келган даромадини Санта Моникадаги турар жой сотиб олиш учун ишлатди. Шунингдек, Маин Стреет Адвисорс машҳур инвестиция фирмасининг илк мижози бўлди, Starbucks ва Google каби хусусий компаниялар акцияларга сармоя киритди. 1996 йилда у Дименсионал Фунд Адвисорс хусусий корхонасининг 5 фоиз акцияларини сотиб олди. Бугунги кунда ушбу гигант компания активлари 718 миллиард долларга тенгдир.

Албатта, Терминатор қаҳрамони сармоя киритган барча тадбиркорлик субъектларининг фаолияти муваффақиятли бўлмади. 1991 йилда Шварценеггер ҳамкасблари Брюс Уиллис ва Силвестр Сталлоне билан биргаликда Планет Hollywood номли ресторанлар тармоғига инвестиция киритди, бироқ 1996 йилда гуллаб-яшнаган ресторан уч йил вақт ўтиб ўзини банкрот деб эълон қилди.

Актёрнинг 2021 йилда собиқ янгиликлар бошловчиси Мария Шрайвер билан ажрашиши ҳам Шварценеггерга қимматга тушди. Эр-хотин никоҳ шартномасини тузмаганлиги сабабли суд томонидан умумий мулк 50/50 га бўлинди.