Профессионал боксда мағлубиятсиз ҳаракат қилаётган Шаҳрам Ғиёсов бугун, 1 август куни Мигел Перрага қарши жанг қилди. Ушбу жанг Лос-Анжелес шаҳрида бўлиб ўтди.
10 раунд давом этган жангда Шаҳрам Гиёсов очколар ҳисобида рақиби устидан ғалаба қозонди. Жанг тўлиқ ўзбекистонлик боксчи устунлигида ўтди. Якунда ҳакамлардан фақат биттаси Мигел Перранинг ғалаба қозонганини эътироф этди. Қолган икки ҳакам Шаҳрам Ғиёсов устунлигини қайд этди.
Маълумот учун, жанг олдидан Исроил Мадримов ва Кроуфорднинг кўргазмали машғулотлари ўтказилди. Ушбу жанг 3 август куни бўлиб ўтади.
Шаҳрам сўнгги жангини февраль ойида Пабло Сезар Канога қарши ўтказиб, очколар эвазига ғалаба қозонганди. Жанггача Шаҳрам Ғиёсовнинг профессионал боксда 15 та ғалабаси мавжуд эди, улар сони 16 тага етди.
Аввалроқ ўзбекистонлик боксчи Шаҳрам Ғиёсов Мадримов—Кроуфорд кардида жанг қилиши мумкинлиги хабар қилинган эди.
Жанг 3 август куни бўлиб ўтади. Ҳозирда икки ўзбекистонлик боксчи Америкада машғулотларда қатнашмоқда.
Изоҳ (0)