Англия шимоли-ғарбидаги Саутпорт шаҳрида 17 ёшли ўсмир рақс тўгараги вақтида болаларга пичоқ билан ҳужум қилди. Бу ҳақда Euronews хабар берди.
Ҳужум рақс мактабида қўшиқчи Тейлор Свифтга бағишланган тадбир пайтида содир бўлган. Ҳодиса оқибатида икки бола ҳалок бўлган, яна тўққиз нафари яраланган. Қуролланган офицерлар воқеа жойига етиб борганидан кейин 17 ёшли гумонланувчини қўлга олган. Тафсилотлар ҳозирча ошкор этилмаган, бироқ Мерсисайд полицияси ҳодисага терроризм сифатида қаралмаслигини айтмоқда.
Британия бош вазири Кий Стармер воқеадан қаттиқ ҳайратда қолганини таъкидлаган. У фожиадан жабр кўрган барчага ҳамдардлик билдирган.
“Икки бола ҳалок бўлди. Тўққиз нафар бола жароҳатланди, улардан олти нафарининг аҳволи оғир. Ҳодиса пайтида олган жароҳатлари туфайли яна икки кишининг ҳам аҳволи ёмонлашган”, дейди Мерсисайд полицияси.
Изоҳ (0)