Франциянинг Лион шаҳридаги Жан Жорес метросида пичоқ билан қуролланган эркак бир неча ўткинчини пичоқлади. Бу ҳақда Le Progres хабар берди.
Шаҳар хавфсизлик хизмати бошлиғи ўринбосари Муҳаммад Чиҳига кўра, номаълум эркак полиция томонидан қўлга олинмагунча, уч кишини яралашга муваффақ бўлган. BFМ телеканали тўрт киши жароҳатлангани, қорин бўшлиғидан жароҳат олган икки кишининг аҳволи оғир эканини маълум қилган.
Бундан ташқари ҳужумга гувоҳлик қилган ва шок ҳолатида бўлган бешинчи шахс ҳам бор. Le Progres нашрининг ёзишича, бу касалхонага олиб кетилган кекса аёлдир.
Ҳужумдан олдин полицияга эркакнинг шубҳали хатти-ҳаракати ҳақида хабар берилган, унинг қўлида ўткинчилар пичоқни пайқаган. Пичоқлаш содир этган шахс 27 ёшли эркак бўлиб, аввал руҳий касалликдан даволангани айтилмоқда. Ҳужумдан кейин у пичоқни улоқтирмоқчи бўлган, бироқ уни қўлга олишга муваффақ бўлишган. Эркакнинг ҳужумга алоқадорлиги кузатув камераси тасвирлари билан ҳам тасдиқланган.
Изоҳ (0)