Актёрлик ёки мусиқа карьераси фидойилик ва узоқ вақтни талаб қиладиган касблардир, шу сабабли аксарият юлдузлар оила қуришга шошилмайди. Аммо тагликлар ва масъулиятдан қўрқмайдиган шундай машҳурлар борки, улар нафақат кўплаб лойиҳаларга, балки кўп фарзандларга ҳам эга.
Жуд Лоу — 5 та фарзанд
“Шерлок Ҳольмс”, “Қирол Артур қиличи”, “Ёш ота”, “Сунъий онг” каби фильмларда ёрқин образларни гавдалантирган актёр Жуд Лоу кўп фарзандли отадир. Аммо унинг шахсий ҳаёти ҳақида илиқ фикрлар тарқалмаган. Лоу асосан шов-шувга ва миш-мишларга тўла сарлавҳали мақолаларда намоён бўлган.
Жуднинг биринчи турмуш ўртоғи Седи Фростдан уч нафар: Рафферти, Ирис ва Руди исмли фарзандлари бор. Актёр Седи билан ажрашганидан сўнг Сиенна Миллер билан танишади, қисқа муддатдан кейин уларнинг ҳам муносабати ниҳоясига етади. Бу орада актёр модел Саманта Бурке билан танишади ва София исмли қиз туғилади. Актёрнинг бешинчи фарзанди эса Кетрин Ҳардингдан дунёга келган, бироқ уларнинг ҳам муносабати узоқ давом этмаган.
Стивен Спилберг — 7 та фарзанд
Стивен Спилберг “Юра оламига саёҳат”, “Жосуслик кўприги”, “Линкольн”, “Мюнхен” каби фильмларни суратга олган ва Голливуднинг энг яхши режиссёрларидан бири сифатида танилган. У 7 нафар фарзанднинг отаси.
Стивен актриса Эми Ирвинг билан турмуш қуриб, кейинчалик ажрашган ва Кейт Кепшоуга уйланган. Спилбергнинг 4 ўғил ва 3 қизи бор. Уларнинг исмлари Жессика, Макс, Тео, Саша, Соер, Микаела ва Дестри. Актёр баъзан фарзандлари билан қизил гиламда ҳам пайдо бўлади. Улар мухлислар орасида жуда бахтли оила сифатида ижобий таассурот қолдирган.
Билли Рей Сайрус — 6 та фарзанд
Америкалик хонанда Майли Сайрус ҳам кўп фарзандли оилада вояга етган. Унинг отаси Билли Рей Сайруснинг 6 та фарзанди — тўрт ўғил ва икки қизи бор. Кристофер Коди Сайрус, Майли Сайрус, Брейсон Сайрус, Ноа Сайрус,Трейс Сайрус ва Бренди Глен Сайрус. Майлининг асл исми Дестини Ҳоуп бўлган. Бренди ва Трейс Биллининг асраб олинган фарзандларидир. Шунингдек, Билли Сайрус икки марта оила қурган. Кристофер 1992 йили дунёга келган. Майли ҳам шу йилда туғилган. Аммо Билли иккала аёлга ҳам расман уйланмаган. Буларнинг бари кенг жамоатчиликдан доим сир сақланган.
Эдди Mёрфи — 9 та фарзанд
Эддининг ҳақиқатда 9 нафар фарзанди бор. Унинг собиқ севгилиси Палет Макнилидан Эрик исмли ўғли бор. Яна бир қаллиғи — Тамара Ҳуд билан муносабатидан Кристиан исмли ўғли туғилган. Актёрнинг собиқ рафиқаси Николь Митчелдан эса беш нафар фарзанди бор.
Кейинчалик Эдди Mёрфи Мелани Браун билан учраша бошлайди. Севгилиси ҳомиладор бўлгач, актёрнинг саккизинчи фарзанди дунёга келади, бироқ у Мелани билан муносабатда бўлганини инкор этади. Кейинчалик ДНК тест таҳлили ўтказилганда чақалоқ ҳақиқатдан ҳам Эддининг фарзанди эканлиги исботланади. Айрим манбаларга кўра, Эдди модель Пейж Батчердан тўққизинчи фарзандини кутаётгани ҳақида хабарлар мавжуд.
Кевин Костнер — 7 та фарзанд
Америкалик актёр ва кинорежиссёр Кевин Костнер коллежда ўқиётган вақтларида курсдоши Синди Сильва билан танишади. Улар кейинчалик турмуш қуради ва Анна, Лили ва Жозеф исмли учта фарзандни дунёга келтиради.
16 йиллик никоҳга қарамасдан Кевин Бриджит Руни билан учраша бошлайди ва уларнинг Лиам исмли фарзандига туғилади. Кейинчалик Кевин модел Кристиан Баумгартнер билан турмуш қуради. Уларнинг Кайден, Ҳейс ва Грэйс исмли фарзандлари бор.
Крис Женнер – 6 та фарзанд
Крис Женнерни айни дамда энг машҳур тадбиркор она деб аташ мумкин. Унинг олти нафар фарзанди бор. Криснинг вафот этган собиқ эри Роберт Кардашьяндан тўрт фарзанди бор. Улар Кортни Кардашьян, Ким Кардашьян, Хлои Кардашьян ва кичик Роберт Кардашьян. Унинг собиқ турмуш ўртоғи Брюс Женнердан икки қизи бор: Кендалл Женнер ва Кайли Женнер.
Брэд Питт ва Анжелина Жоли — 6 та фарзанд
Голливуднинг энг машҳур оилаларидан бири бўлган мазкур оила кўплаб болаларни ўз қарамоғига олганлиги билан ажралиб туради. Анжелина Жоли биринчи марта 2002 йилда Боб Торнтон билан турмуш қурган пайтда фарзанд асраб олган эди. У Камбоджадаги суратга олиш пайтида бир болани ўзи билан уйига олиб кетган. Жуфтлик унга Меддокс деб исм қўйган. У актрисанинг биринчи фарзанди бўлди.
Орадан бир неча йил ўтгач, Жоли Захара исмли қизни асраб олди. Актриса бу пайтда Брэд Питт билан яқин муносабатда эди. Унинг бу фарзанди асли эфиопиялик. Жоли у ерга БМТ элчиси сифатида борган ва биринчи учрашув пайтида қизалоқ атиги 7 ойлик бўлган. 2006 йилда Анжелина Жоли ва Брэд Питтнинг биринчи фарзанди Шайло дунёга келди. Орадан бир йил ўтгач, Жануби-Шарқий Осиёга жўнаб кетган юлдуз туғилгандан бир неча кун ўтгач онаси ташлаб кетган 4 ёшли бола билан учрашади. Улар унга Пакс Тен деб исм қўйишди. 2008 йилда Жоли эгизак фарзандлари — ўғли Нокс ва қизи Вивенни дунёга келтирди.
Изоҳ (0)