Ko‘plab mashhurlarning karyera tarixiga nazar tashlasak, ular yulduzlik darajasiga yetishi uchun omadli voqealar hamda uzoq yillik mehnat orqali erishganiga guvohi bo‘lamiz. Ular o‘z iste’dodi tufayli qashshoqlikdan qutulgan. Ammo bolalikdan badavlat oilada tug‘ilib, moliyaviy tarafdan doim qo‘llab-quvvatlab kelingan mashhurlar ham yo‘q emas. Quyida hashamatli shart-sharoitlarda voyaga yetgan va oilaviy boyliklarini mustahkamlashda davom etib kelayotgan yulduzlar haqida so‘zlashamiz.
Teylor Svift
Xonanda archa yetishtiriladigan fermada tug‘ilib o‘sgan va uning ota-onasi qiziga istagan narsalari bilan ta’minlash uchun yetarli mablag‘ga ega bo‘lgan. Uning otasi Merrill-Lynch kompaniyasida moliyaviy maslahatchi, onasi esa investitsiya fondida marketing bo‘yicha menejer bo‘lib ishlagan.
Adam Levin
Amerikalik aktyor, Maroon 5 guruhi vokalisti va gitarachisi Adam Levin Los-Anjelesda tug‘ilgan va Brentvuddagi nufuzli xususiy maktabda o‘qigan. Darhaqiqat, u aynan shu maktabda Maroon 5 ning boshqa a’zolari bilan tanishgan. Uning otasi Fred Levin chakana savdo tarmog‘i asoschisi sifatida muvaffaqiyatli tadbirkor bo‘lgan.
Ariana Grande
Ariananing otasi Edvard Butera tadbirkor bo‘lib, u Ibi Designs Edvard Butera nomli grafik dizayn kompaniyasiga asos solgan. Hozirda uning mijozlari orasida ko‘plab mashhurlar ham bor.
Ledi Gaga
Xonanda Ledi Gaganing otasi Jozef Dermanotta kelib chiqishi italiyalik bo‘lib, Manxettenning nufuzli internet tadbirkori sifatida tanilgan. U mehmonxona tarmoqlariga Wi-Fi o‘rnatish xizmatlarini ko‘rsatadigan biznesni yo‘lga qo‘ygan.
Lindsi Lohan
Amerikalik aktrisa Lindsi Lohanning otasi Uoll stritda muvaffaqiyatli savdogar bo‘lgan. U bir necha bor filmlarda ham suratga tushgani qiziga asqatgan.
Edvard Norton
Edvard Norton bobosi Jeyms Rouzning ulkan muvaffaqiyati tufayli tashvishsiz hayot kechirgan. Jeyms prezidentning “Ozodlik” medali sohibi bo‘lgan, u binolar qurilishi, shaharni muhandislik jihatdan rejalashtirish bilan shug‘ullangan. Shuningdek, aktyorning bobosi butun mamlakat bo‘ylab arzon turar joy bilan ta’minlovchi Rouse Foundation notijorat tashkilotiga asos solgan.
PSY
Haqiqiy ismi Pak Chesan bo‘lgan koreyalik xonandaning otasi yarimo‘tkazgich uskunalarini ishlab chiqaruvchi DI korporatsiyasining ijrochi direktoridir. Onasi esa Seuldagi qimmatbaho restoranni boshqaradi.
Bella va Jiji Hadid
Opa-singil Bella va Jiji Hadid dunyodagi eng boy oilalardan biridan chiqqan modellar. Ularning otasi milliarder Muhammad Hadid qurilish kompaniyasi direktori va sobiq Olimpiya o‘yinlari chempionidir.
Mayli Sayrus
Aktyor va musiqachi Billi Rey qiziga katta yordam bergan. U Mayliga vokaldan dars beradi, kuylar bastalaydi, ota va qiz bir necha yil davomida Disney kanalidagi “Hanna Montana” serialida birga rol o‘ynashadi va shu orqali nafaqat AQSH, balki ko‘plab Yevropa va Osiyo mamlakatlarida taniladi.
Ed Shiran
Xonanda va bir nechta qo‘shiqlar muallifi Ed Shiran ijodkorlar oilasida o‘sgan. Uning otasi Jon san’at tarixidan dars bergan, onasi esa zargarlik buyumlari dizayneri bo‘lgan. Ular birgalikda yigirma yil davomida faoliyat yuritib kelayotgan Sheeran Lock konsalting kompaniyasini boshqargan.
Izoh (0)