Исроил армияси ҳар қандай вақтда “Ҳизбуллоҳ” қуролли кучларининг кучайишига жавобан Ливанга кутилмаган ва кескин зарба беришга тайёр.
The Times of Israel нашри хабар беришича, бу ҳақда Исроил мудофаа вазири Йоав Галант мамлакат шимолидаги ҳарбий қисмлардан бирига сафари чоғида айтиб ўтган.
“Биз шимолий минтақада чекланган жанговар операцияларни олиб бормоқдамиз. Бунга Исроил мудофаа кучларининг кичик қисми жалб қилинган, бироқ ҳамма нарса бир зумда ўзгариши мумкин. Жанубдаги асосий ҳаракатлар шимолга кўчиши мумкин. Бу тез, кутилмаган ва ўта кескин бўлади”, деди вазир.
Шу билан бирга, у Исроил ҳамон вазиятни “Ҳизбуллоҳ” билан келишувлар орқали ҳал қилишга тайёр эканини яна бир бор таъкидлади.
Бу минтақанинг жанубда содир бўлаётган воқеаларга алоқаси йўқ, агар “Ҳизбуллоҳ” биз билан келишувга эришмоқчи бўлса, чегара чизиғидан узоқлашиб, Литани дарёсининг нариги томонидаги ҳудудларга кўчиб ўтиши керак бўлади, деди у.
18 июнь куни Исроил армияси Ливандаги ҳужум ҳаракатларининг тезкор режаларини тасдиқлаган эди. Ғазо секторида Фаластиннинг ҲАМАС ҳаракатига қарши операциядан сўнг Исроил ҳукумати вақти-вақти билан Ливан жанубидан давлат ҳудудини ўққа тутаётган “Ҳизбуллоҳ” кучларига зарба бериши кутилмоқда.
Изоҳ (0)