Тошкент шаҳрининг Юнусобод тумани, Абдулла Қодирий кўчасида 17 июль куни соат 19:15 ларда Lada Largus автомашинаси ёниб кетди. Бу ҳақда Тошкент шаҳар ИИББ ЙҲХБ ахборот хизмати хабар берди.
Ёнғин қисқа туташув содир бўлганлиги оқибатида келиб чиққан. Туман ФВБ ходимлари томонидан бартараф этилган. Ёнғин натижасида тан жароҳати олганлар бўлмаган.
Мазкур ҳодиса юзасидан ЙҲХБ ҳамда ФВБ ходимлари томонидан суриштирув олиб борилиб, ёнғин юзага келишининг сабабларига аниқлик киритилмоқда.
Изоҳ (0)