Сирдарё вилояти фавқулодда вазиятлар бўлими Мирзаобод тумани ҳудудида ҳаракатланиб кетаётган юк машинасида содир бўлган ёнғин бўйича маълумот берди.
Қайд этилишича, 9 июль куни соат 22:08 да Мирзаобод тумани “Оқолтин” МФЙ ҳудудидан ўтувчи Тошкент Термиз А-373 автойўлининг 36-километрида ҳаракатланаётган “КамАЗ” русумли юк автомашинасининг салон қисми, тўртта баллони ҳамда кузови қисман ёнган. Кўрилган тезкор чоралар натижасида ёнғин соат 22:36 да ўчирилган. Ёнғин сабаби ва моддий зарар миқдори аниқланмоқда.
Ёнғин натижасида инсонларнинг тан жароҳати олиши ва ҳалок бўлиш ҳолатлари кузатилмаган.
Аввалроқ Самарқандда учта машина иштирокида ЙТҲ содир бўлгани, улардан бири ёниб кетгани тўғрисида хабар берилганди. Ундан олдинроқ эса Самарқандда пастликка тушиб кетган юк машинасида ёнғин чиққан эди.
Изоҳ (0)