Агар яшашдан маъно йўқолгандек туюлса, унда шафқатсиз кундалик ҳаёт ҳақидаги мазкур Осиё драмалари инсон умрида аслида нима муҳимлиги ҳақида ўйлашга ёрдам беради.
“Ёшлик қайдлари”
- 2020
- Жанр: мелодрама
- Режиссёр: Ан Гиль Хо
- Сценарий муаллифи: Ҳа Мюнг Ҳее
- Ролларда: Парк Бо Гум, Парк Со Дам, Бюн Ву Сеок, Ҳа Ҳи Ра
20 ёш энг қўрқинчли давр бўлиб, муҳим қарорлар қабул қилишимиз керак бўлган ноаниқликларга тўла. Ушбу драма қаҳрамонлари орзулари учун курашишга ва таслим бўлмасликка ҳаракат қилади, гарчи улар ҳар куни таслим бўлиш ва оила аъзоларига бўйсуниш ҳақида ўйласа ҳам.
Фильмда актёр бўлишни орзу қиладиган модель, унинг бой оиладан бўлган, лекин иқтидорсиз дўсти, шунингдек, ишдан сўнг моделга мухлислик қиладиган визажист қиз ҳам бор.
“Ўтган умрлар”
- 2023
- Жанр: мелодрама
- Режиссёр: Селин Сон
- Сценарий муаллифи: Селин Сон
- Ролларда: Грета Ли, Тео Ю, Жон Магаро, Мун Сеунг Аҳ, Лим Сеунг Мин
Энг яхши фильм ва сценарий учун иккита “Оскар” номинациясига эга бўлган фильм ҳеч қачон имкон берилмаган, амалга ошмаган севгига дучор бўлганлар учун ажойиб оқшом тавсияси. Ҳикояда ўн икки ёшли На Ён ва Ҳе Сон яхши баҳо олиш учун бир-бири билан рақобатлашади ва бир-бирини болаларча севиб қолади.
Аммо энди На Ён исмини Норага ўзгартириб, оиласи билан Нью Йоркка кўчиб ўтишга мажбур бўлади. Бир йил ўтгач, ёшлар мулоқотни давом эттиришга қарор қилади, лекин улар аввалгидек эмас.
“Ҳеч нарса қилишни хоҳламайман”
- 2022
- Жанр: драма
- Режиссёрлар: Ли Юн Жунг, Хонг Мун Пё
- Муаллифлар: Ли Сон Жунг, Хонг Мун Пё, Чу Хюн
- Ролларда: Ким Сеол Хюн, Им Си Ван, Шин Эун Су, Бан Чже Мин
Бош қаҳрамон Ё Рим қийинчиликларни бошдан кечирмоқда: аввал йигити ташлаб кетади, кейин эса онаси вафот этади. Стрессни енгиб, қандай яшашни ўйлаб, ишидан ҳам бўшайди. Кичик бир қишлоққа кўчиб ўтиб, ҳеч нарса қилмасликка қарор қилади.
У ерда қиз маҳаллий кутубхоначи Де Бомни учратади, у дудуқланиши туфайли одамлар билан камдан кам мулоқот қилади. Қиз янги таниши билан ўзини қулай ҳис қилади ва улар аста-секин бир-бирларини даволай бошлайдилар.
“Денгиз бўйида ёлғиз”
- 2016
- Жанр: драма
- Режиссёр: Хонг Санг-су
- Сценарий муаллифи: Хонг Санг-су
- Ролларда: Ким Мин Хи, Сео Ён Хва, Жунг Чже Ён, Мун Сунг Геун
Бирор нарсани ўйлаб кўриш ва ҳаётни ўзгартириш истаги турли сабабларга кўра пайдо бўлиши мумкин. Ушбу Жанубий Корея фильмининг қаҳрамонида бундай ҳолат оилали эркак билан бўлган муносабатлардан кейин содир бўлади, аммо бу муваффақиятсиз якунланади.
Оғриқли хотираларни унутиш учун қиз Германияга кетади, аммо хотиржамлик топа олмай, яна Кореяга қайтиб келади. Бу ерда у дўстларини кўради, таниш ва янги жойларни айланиб чиқади ва ҳаётининг маъноси нимада эканини, бундан кейин қандай қилиб яшашини тушунишга ҳаракат қилади.
“Мукаммал кунлар”
- 2023
- Жанр: драма
- Режиссёр: Вим Вендерс
- Муаллиф: Вим Вендерс, Такума Такасаки
- Ролларда: Кожи Якушо, Ариса Накано, Токио Эмото, Томоказу Mиурa, Юрико Кавасаки
Ўтган йили энг яхши хорижий фильм учун “Оскар” номинациясини олган Япония фильми. Ҳикоя фаррош бўлиб ишлайдиган Хирояма исмли ўрта ёшли эркак ҳақида. Унинг кундалик ҳаёти “Суғур куни”га ўхшайди — мунтазам равишда такрорланади.
Унинг боғдорчилик, аудиокассета тинглаш ва китоб ўқиш каби севимли машғулотлари бор, лекин бир неча учрашувдан кейин ҳаммаси ўзгаради. Энди у одатдаги комфорт зонасидан ҳақиқатан ҳам қониқадими ёки йўқми, ўйлай бошлайди.
“Ўттиз тўққиз”
- 2022
- Жанр: драма
- Режиссёр: Ким Санг Хо
- Сценарий муаллифи: Ю Ёунг Аҳ
- Ролларда: Сон Е-Жин, Жеон Ми-до, Ким Жи-ҳюн, Ёунг Ву-жин, Ли Му-Сунг
Болаликдан дўст бўлган уч нафар қиз ҳар доим бир-бирини қўллаб-қувватлайди. Албатта, ҳар бирининг ўзига яраша муаммоси бор, лекин улар 40 ёшга яқинлашганда, аста-секин кўп нарсани тушуна бошлайдилар.
Тўсатдан дугоналардан бири саратонга чалинганини билишади. Ўлим муқаррар эканлигини тушуниб, улар инкор этишдан қабул қилишгача бўлган босқичлардан ўтади ва дугонасининг қолган ҳаётини энг ёрқин хотиралар билан тўлдиришга ҳаракат қилишади.
Изоҳ (0)