Қуйида ҳаётини оила билан эмас, балки танлаган касби билан боғлашга қарор қилган жаҳон юлдузлари ҳақида маълумот берамиз.
Патрисия Каас, 57 ёшда
Хонанда ўз интервьюсида “Мен она бўлишим мумкин эди, табиат менга бир неча бор шундай имконият берган, аммо мен рад этганман. Тан олишим керак, мен касбимни танлаганман”, дейди у.
Унинг сўзларига кўра, унинг шахсий ҳаёти муваффақиятсиз кечган — кўп ишлар бўлган (улардан бири Ален Делон билан эди), лекин бу муносабатлар тўйгача етиб бормаган.
Опра Уинфри, 70 ёшда
Американинг энг бадавлат аёлларидан бири 2013 йил декабрь ойида Hollywood Reporter нашрига берган интервьюсида нима учун фарзанд кўрмаслигини тушунтириб берди: “Агар фарзандларим бўлганида, улар мендан нафратланишарди. Улар менинг қандай даҳшатли она эканлигим ҳақида гапиришарди. Чунки ишим туфайли уларга вақтим етмай қоларди ва бундан қийналишарди”.
Милен Фармер, 62 ёшда
Хонанда шахсий ҳаёти ҳақида кўп гапирмайди. Турли миш-мишларга кўра продюсерлар ва бошқа қўшиқчилар билан муносабатда бўлган, аммо бу масала ҳеч қачон болали бўлишгача етиб келмаган. “Менга болалар керак эмас. Мен ўзимнинг севимли қизимман”, дейди Милен интервьюсида.
Ҳелен Миррен, 78 ёш
1997 йилдан бери актриса режиссёр Тейлор Хекфорд (“Иблис ҳимоячиси”, “Рей”) билан турмуш қурган, у билан 10 йилдан ортиқ учрашиб юрган. “Мен ҳеч қачон фарзанд кўришни хоҳламаганман, дейди Ҳелен 2014 йилда ААRP журналига берган интервьюсида. — Фарзанд кўриш соғинчини ҳеч қачон ҳис қилмаганман. Мен учун ишим ҳар доим биринчи ўринда туради”.
Лия Ахеджакова, 85 ёшда
Актриса уч марта — Мали театри актёри Валерий Носик, рассом Борис Кочейшвили билан турмуш қурган ва 2001 йилнинг ёзида у фотограф Владимир Персиянинов билан никоҳдан ўтган. Аммо актриса фарзандли бўлмаган.
Рене Зеллвегер, 55 ёш
“Оналик — ҳеч қачон мақсадим бўлмаган. Мен буни ёқтиришимга ишончим комил эмас. Ҳаётимни ҳеч қачон режалаштирмаганман: 19 ёшимда уни қиламан, 25 ёшимда буни қиламан, демаганман. Мен ҳаётимни қандай бўлса, шундай қабул қиламан”, дейди актриса 2008 йил апрель ойида New York Daily News нашрига берган интервьюсида. Кўринишидан, она бўлишни истамагани учун атиги олти ой ўтгач, унинг никоҳи бузилади — 2005 йилда у кантри мусиқачи Кенни Чесни билан турмуш қурганди.
Женнифер Энистон, 55 ёшда
“Дўстлар” сериали юлдузи яқин вақтгача ҳомиладорлиги ҳақидаги миш-мишларнинг энг кўп нишонларидан бири эди. Бироқ унинг сўзларига кўра, никоҳида бахтли бўлган бўлса ҳам (икки йиллик муносабатлардан кейин актёр Жастин Теру билан тўйи 2015 йил август ойида бўлиб ўтган), фарзандли бўлишни хоҳламайди.
“Мен жуда кўп нарсаларни яратдим, ўзимни том маънода уларнинг онаси каби ҳис қиламан. Шунинг учун аёлга бундай босим ўтказиш адолатдан эмас, деб ўйлайман”, дейди у 2014 йил август ойида Тҳе Today Show дастурида.
Вайнона Райдер, 52 ёш
Актриса Жонни Депп ва Метт Деймон каби таниқли эркаклар билан учрашиб юрган, лекин ҳеч қачон ҳеч ким билан турмуш қуриш даражасига етиб бормаган. Вайнона ўғрилик ва героин истеъмолида айбланади — 2000 йилларнинг бошида у катта жаримага, 480 соатлик жамоат ишларига ва мажбурий даволанишга ҳукм қилинади.
Жон Кюсак, 57 ёшда
Актёр кўплаб аёллар билан муносабатда бўлган. Аммо уларнинг ҳеч бири оила қурмаган: Жон ҳеч қачон уйланмаган, фарзандли ҳам бўлмаган.
Кристофер Уолкен, 81 ёш
Фильмларда турли хил ёвуз қаҳрамонларни маҳорат билан ўйнайдиган актёр муҳаббатига содиқ — у кастинглар директори Жоржианна билан деярли 50 йилдан бери бирга яшайди. Улар 1969 йилда турмуш қуришган, аммо фарзандли бўлишолмаган.
Жеймс Вудс, 77 ёш
Кўриниб турибдики, актёр оилавий ҳаёт учун яратилмаган — унинг биринчи никоҳи 3 йил, иккинчиси эса атиги 1 йил давом этган. Аммо у ҳақиқий кино классикасига айланган фильмларда ўйнаб, профессионал даражада муваффақият қозонди.
Изоҳ (0)