Agar yashashdan ma’no yo‘qolgandek tuyulsa, unda shafqatsiz kundalik hayot haqidagi mazkur Osiyo dramalari inson umrida aslida nima muhimligi haqida o‘ylashga yordam beradi.
“Yoshlik qaydlari”
- 2020
- Janr: melodrama
- Rejissyor: Ahn Gil Xo
- Ssenariy muallifi: Ha Myung Hee
- Rollarda: Park Bo Gum, Park So Dam, Byun Vu Seok, Ha Hi Ra
20 yosh eng qo‘rqinchli davr bo‘lib, muhim qarorlar qabul qilishimiz kerak bo‘lgan noaniqliklarga to‘la. Ushbu drama qahramonlari orzulari uchun kurashishga va taslim bo‘lmaslikka harakat qiladi, garchi ular har kuni taslim bo‘lish va oila a’zolariga bo‘ysunish haqida o‘ylasa ham.
Filmda aktyor bo‘lishni orzu qiladigan model, uning boy oiladan bo‘lgan, lekin iqtidorsiz do‘sti, shuningdek, ishdan so‘ng modelga muxlislik qiladigan vizajist qiz ham bor.
“O‘tgan umrlar”
- 2023
- Janr: melodrama
- Rejissyor: Selin Son
- Ssenariy muallifi: Selin Son
- Rollarda: Greta Li, Teo Yu, Jon Magaro, Mun Seung Ah, Lim Seung Min
Eng yaxshi film va ssenariy uchun ikkita “Oskar” nominatsiyasiga ega bo‘lgan film hech qachon imkon berilmagan, amalga oshmagan sevgiga duchor bo‘lganlar uchun ajoyib oqshom tavsiyasi. Hikoyada o‘n ikki yoshli Na Yon va He Son yaxshi baho olish uchun bir-biri bilan raqobatlashadi va bir-birini bolalarcha sevib qoladi.
Ammo endi Na Yon ismini Noraga o‘zgartirib, oilasi bilan Nyu Yorkka ko‘chib o‘tishga majbur bo‘ladi. Bir yil o‘tgach, yoshlar muloqotni davom ettirishga qaror qiladi, lekin ular avvalgidek emas.
“Hech narsa qilishni xohlamayman”
- 2022
- Janr: drama
- Rejissyorlar: Li Yun Jung, Xong Mun Pyo
- Mualliflar: Li Yoon Jung, Xong Mun Pyo, Chu Young Xyun
- Rollarda: Kim Seol Xyun, Im Si Van, Shin Eun Su, Ban Chje Min
Bosh qahramon Yo Rim qiyinchiliklarni boshdan kechirmoqda: avval yigiti tashlab ketadi, keyin esa onasi vafot etadi. Stressni yengib, qanday yashashni o‘ylab, ishidan ham bo‘shaydi. Kichik bir qishloqqa ko‘chib o‘tib, hech narsa qilmaslikka qaror qiladi.
U yerda qiz mahalliy kutubxonachi De Bomni uchratadi, u duduqlanishi tufayli odamlar bilan kamdan kam muloqot qiladi. Qiz yangi tanishi bilan o‘zini qulay his qiladi va ular asta-sekin bir-birlarini davolay boshlaydilar.
“Dengiz bo‘yida yolg‘iz”
- 2016
- Janr: drama
- Rejissyor: Xong Sang-su
- Ssenariy muallifi: Xong Sang-su
- Rollarda: Kim Min Xi, Seo Yon Xva, Jung Chje Yon, Mun Sung Geun
Biror narsani o‘ylab ko‘rish va hayotni o‘zgartirish istagi turli sabablarga ko‘ra paydo bo‘lishi mumkin. Ushbu Janubiy Koreya filmining qahramonida bunday holat oilali erkak bilan bo‘lgan munosabatlardan keyin sodir bo‘ladi, ammo bu muvaffaqiyatsiz yakunlanadi.
Og‘riqli xotiralarni unutish uchun qiz Germaniyaga ketadi, ammo xotirjamlik topa olmay, yana Koreyaga qaytib keladi. Bu yerda u do‘stlarini ko‘radi, tanish va yangi joylarni aylanib chiqadi va hayotining ma’nosi nimada ekanini, bundan keyin qanday qilib yashashini tushunishga harakat qiladi.
“Mukammal kunlar”
- 2023
- Janr: drama
- Rejissyor: Vim Venders
- Muallif: Wim Wenders, Takuma Takasaki
- Rollarda: Koji Yakusho, Arisa Nakano, Tokio Emoto, Tomokazu Miura, Yuriko Kavasaki
O‘tgan yili eng yaxshi xorijiy film uchun “Oskar” nominatsiyasini olgan Yaponiya filmi. Hikoya farrosh bo‘lib ishlaydigan Xiroyama ismli o‘rta yoshli erkak haqida. Uning kundalik hayoti “Sug‘ur kuni”ga o‘xshaydi — muntazam ravishda takrorlanadi.
Uning bog‘dorchilik, audiokasseta tinglash va kitob o‘qish kabi sevimli mashg‘ulotlari bor, lekin bir necha uchrashuvdan keyin hammasi o‘zgaradi. Endi u odatdagi komfort zonasidan haqiqatan ham qoniqadimi yoki yo‘qmi, o‘ylay boshlaydi.
“O‘ttiz to‘qqiz”
- 2022
- Janr: drama
- Rejissyor: Kim Sang Xo
- Ssenariy muallifi: Yu Young Ah
- Rollarda: Son Ye-Jin, Jeon Mi-do, Kim Ji-hyun, Young Woo-jin, Li Mu-Sung
Bolalikdan do‘st bo‘lgan uch nafar qiz har doim bir-birini qo‘llab-quvvatlaydi. Albatta, har birining o‘ziga yarasha muammosi bor, lekin ular 40 yoshga yaqinlashganda, asta-sekin ko‘p narsani tushuna boshlaydilar.
To‘satdan dugonalardan biri saratonga chalinganini bilishadi. O‘lim muqarrar ekanligini tushunib, ular inkor etishdan qabul qilishgacha bo‘lgan bosqichlardan o‘tadi va dugonasining qolgan hayotini eng yorqin xotiralar bilan to‘ldirishga harakat qilishadi.
Izoh (0)