Европа чемпионати ярим финалидан ўрин олган Нидерландия ва Англия терма жамоалари ўртасидаги ўйинга келишилган ўйинларда иштирок этган бош ҳакам Феликс Цвайерни тайинланди. УЕФА ўз қарорини ўзгартирмаслигини билдирди, деб хабар бермоқда Daily Mail.
Аввалроқ Цвайер 2014 йилда 300 евро пора олганликда ва 2005 йилда Германия чемпионатида келишилган ўйинларни ташкил қилишда айбланиб, олти ойга дисквалификация қилинган. Айнан шу сабабли ҳакамга йирик халқаро мусобақаларда иштирок этишга рухсат берилмагани ҳақида хабар берилганди.
Mail Спорт шарҳ олиш учун УЕФА билан боғланиб, ҳакам қандай қилиб нуфузли мусобақа ярим финалини бошқариш ҳуқуқини қўлга киритгани ҳақида қизиққан. Маълум бўлишича, ташкилот раҳбарлари текширув ўтказган ва ижобий хулоса берган.
Маълумот учун, 2024 йилги Европа чемпионати ярим финали доирасидаги Нидерландия – Англия учрашуви 10 июль куни бўлиб ўтади.
Изоҳ (0)