Якшанба куни ижтимоий тармоқларда Тони Крооснинг Германиядаги хавфсизлик ва муҳожирлар билан боғлиқ вазият ҳақидаги иқтибослари тарқалди. У бу фикрларни Lanz und Precht подкастида айтиб ўтган.
Ланз унд Пречт подкастини журналист Маркус Ланз ва ёзувчи Ричард Девид Прехт олиб боради. Улар замонимизнинг ижтимоий ва сиёсий долзарб мавзуларини муҳокама қилади. Музокараларга спорт, сиёсат ёки маданиятга оид масалаларни муҳокама қилиш учун турли соҳалардаги таниқли шахслар таклиф этилади.
Мен ҳали ҳам Германияни ажойиб мамлакат деб ҳисоблайман. Бу ерга келиш жуда ёқади, лекин бу Германия, айтайлик, 10 йил олдингидек эмас, — деди Тони.
Бошловчи айнан нима ўзгарганини сўраганида, футболчи хавфсизлик ҳисси йўқолганини билдирди.
Келинг вазиятни Испания билан солиштираман. Масалан, менинг етти ёшли қизим бор. У кейинчалик 13, 14, 15 ёшга тўлади. Агар қизимни соат 23:00 дан кейин қайси давлатда кўчага чиқишига рухсат беришимни сўрашса, мен Испанияни танлаган бўлардим. Тўғри, Испанияда ҳеч нарса бўлмаяпти, демайман. Шунчаки умумлаштирмоқчимасман, — деди Кроос. Ва у 10 йил олдин қизининг Германияда соғ-саломат қайтишига шубҳа қилмаслигини қўшимча қилди.
Крооснинг айтишича, немис давлатида назорат йўқолган.
Сўнгги йилларда баъзи соҳаларда назорат йўқолди. Кўп муаммолар орасида, менимча, миграция соҳаси айни муҳокама қилиниши керак бўлган соҳа. Ўйлайманки, биз аллақачон мамлакатнинг очиқ кўнгил билан бошқа мамлакат вакилларини қабул қилишини исботлаганмиз. Бу мен учун ҳақиқатдан ҳам ажойиб.
Шу билан бирга, менимча, сўнгги йилларда бу жуда назоратсиз содир бўлди. Чет элдан одамлар бизга келиб, бахт топишлари жуда яхши. Мен бу ташаббусни 1000% қўллаб қувватлайман. Аммо менимча, биз вазиятни нотўғри баҳоладик ва вазият бошқариб бўлмайдиган ҳолатга келди.
Тони Кросс “Реал Мадрид” клубида ўйнади ва фаолиятини якунлаганини эълон қилди. Бу даврда у барча мусобақаларда 463 та учрашувда қатнашган (28 гол ва 98 голли узатма).
Германия терма жамоаси Испания термасига мағлубиятга учраб, Европа чемпионатидаги юришини тўхтатди.
Изоҳ (0)