“Манчестер Юнайтед” бош мураббийи Эрик тен Ҳаг клуб билан шартномасини 2026 йилгача узайтирди, дея хабар бермоқда жамоа матбуот хизмати расмий сайтида.
Аввалроқ “Манчестер Юнайтед“ тен Ҳагни жамоа бош мураббийи сифатида қолдиришга қарор қилгани маълум бўлганди.
54 ёшли голландиялик мураббий 2022 йилдан буён жамоани бошқариб келмоқда. АПЛнинг сўнгги мавсуми якунига кўра, “Манчестер Юнайтед” 38 ўйинда 60 очко жамғариб, саккизинчи ўринни эгаллади ва финалда “Манчестер Сити”ни мағлуб этиб (2:1) жамоаси билан Англия кубогини қўлга киритди. Бу клубга келаси мавсумда Европа лигасида иштирок этиш имконини беради.
Янги келишув 2026 йилнинг ёзига қадар амал қилади. Сер Жимми Ретклиф бошчилигидаги раҳбарият мавсум сўнгида Англия кубоги қўлга киритилганидан сўнг шундай қарорга келган.
Изоҳ (0)