Шавкат Мирзиёевнинг ШҲТ давлат раҳбарлари кенгашининг навбатдаги мажлисида иштирок этиши, Мактабгача таълим агентлиги фаолиятининг тугатилиши, “Лукойл”га нисбатан нарх манипуляцияси бўйича иш қўзғатилиши — “Дарё” нашри бугун, 4 июлда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда автотураргоҳларни брон қилиш имконияти яратилиши мумкин
Бунинг учун махсус мобил илова ишлаб чиқиш режалаштирилган.
Тошкентдаги жанжалда фуқаро автомобилини одамлар устига ҳайдади
Пойтахт ИИББ ушбу безорилик ҳақида маълумот берди.
Тошкент вилоятида фоторадар ўрнатилган Cobalt ЙТҲга учради
Ҳодиса орқада келаётган машина оралиқ масофани сақламагани туфайли келиб чиққан.
Мактабгача таълим агентлиги фаолияти тугатилди
Агентликнинг ташкилий тузилмасидаги ташкилотлар Мактабгача ва мактаб таълими вазирлиги тасарруфига ўтказилди.
Ўзбекистонда умра тадбирларини ташкил этиш ва ўтказиш лицензияланадиган фаолиятнинг алоҳида тури сифатида белгиланди
Дин ишлари бўйича қўмита мазкур соҳадаги лицензияловчи ваколатли органга айланди.
Шавкат Мирзиёев Ҳиндистон президенти ва бош вазирига таъзия йўллади
Президент Уттар-Прадеш штатида содир бўлган фожиа қурбонларнинг оила аъзоларига чуқур ҳамдардлик изҳор этди.
“Биз ШҲТ оиласи жипслигини кучайтиришимиз зарур” — Шавкат Мирзиёев ташкилот олдида турган энг долзарб вазифалар ҳақида гапирди
Президент глобал даражада ишонч тақчиллиги мисли кўрилмаган даражага чиққанини айтди.
Самарқандда ота беш ёшли фарзандини тепиб, ерга йиқитди (видео)
Суриштирувлар натижасида у Қашқадарёда яшовчи фуқаро экани аниқланди.
UzAutoMotors 5 июль куни Cobalt'га шартнома очилишини эълон қилди
Сотув жараёнлари соат 10:00 да бошланади.
“Пулини биз тўладик, аммо уйга бошқалар эга чиқмоқда”: пойтахтда яна уй можароси
147 киши янги уй сотиб олиш мақсадида Андроник Алоян ва Баҳодир Исмагилов қураётган кўп қаватли уйга инвестор сифатида жалб қилиниб, 3 йил қурилиш битишини кутди. Аммо уй қурилиши тамом бўлаётганда муаммо пайдо бўлди.
Ўзбекистонда иш ҳақи ва нафақа пулларининг 3,7 млрд сўми талон-торож қилингани аниқланди
Ҳолатлар юзасидан 34 та жиноят иши қўзғатилди.
“Лукойл”га нисбатан нарх манипуляцияси бўйича иш қўзғатилди
Манипуляция ҳаракатлари оқибатида техник олтингугурт нархи биржада 10 фоиздан 50 фоизгача ошган.
“Қарама-қаршилик ва протексионизм жаҳон иқтисодиёти парчаланиши ва етказиб бериш занжирлари узилишига сабаб бўлмоқда” — Шавкат Мирзиёев
Ўзбекистон президенти “ШҲТ плюс” форматининг “Кўп томонлама мулоқотни мустаҳкамлаш — барқарор тинчлик ва тараққиёт сари интилиш” мавзусидаги учрашувида иштирок этди.
Тошкентда ШҲТнинг Иқлим муаммолари бўйича инновацион ечимлар маркази ташкил этилиши мумкин
Шавкат Мирзиёев “ШҲТ плюс” форматидаги учрашувда нутқ сўзлади.
Изоҳ (0)